miércoles, 3 de septiembre de 2014

Programación de actividades. Setembro 2014

Xa tedes á vosa disposición a programación da biblioteca para este mes de setembro, no que seguiremos coas exitosas iniciativas Bibliotroco e Cita a Cegas. 

Ademais, presentámosvos unha nova mostra bibliográfica, Tendendo Bandas, na que atoparedes unha escolma dos máis importantes autores da banda deseñada española e hispanoamericana.  

No apartado de exposicións, o CEIP Porto Cabeiro amosa na biblioteca os traballos do alumnado do centro baseados en obras dos grandes artistas plásticos da arte galega, nun proxecto que parte do Equipo de Dinamización de Lingua Galega (EDLG) en colaboración coa biblioteca escolar.


E para rematar, non podedes perdervos as nosas Terrazas literarias, que este ano contarán coa presenza de Luis Davila (xoves 4)  e Pedro Feijoo (xoves 18).  Aproveitando estes últimos días de verán, celebramos estes encontros na terraza exterior da biblioteca, unhas reunións informais onde poderedes falar e preguntar aos escritores sobre o que rodea ao mundo literario (creación, edición...) nun ambiente lúdico e amigable ao tempo que gozamos do solpor.

Tedes toda a información das actividades (datas, horas, etc.) no seguinte enlace:

1 comentario:

  1. Noraboa polo traballo! As Terrazas unha marabilla: unha oportunidade alucinante de falar cos teus autores favoritos de"ti a ti"

    ResponderEliminar