sábado, 28 de diciembre de 2013

Contos de Nadal



Como cada Nadal a biblioteca Neira Vilas organiza diferentes actividades para que o público infantil goce da biblioteca nas súas vacacións. Nesta ocasión Bea e David acompañáronos unha vez máis, esta vez deixaron os seus Arrolos na maleta-xoaniña e fixeron unha sesión de contos para un público moito máis maior... de tres anos para diante.


Acompañamos a Bea e David "neste fantástico día" a cazar un oso. Sen ningún medo pasamos por un campo, un río, unha lameira, un bosque e unha tormenta ata chegar á cova do oso... Que medo! Nunca máis imos cazar un oso tan grande e fabuloso... se non nos acompañan, claro, Bea e máis David.
Logo Bea contounos o conto "De cando a Martiño lle entraron ganas de facer pis na noite de Reis" e gozamos todos co Chucuchu do tren de Martiño.

Para rematar a contada nada mellor que a historia do "Homiño de Mazapán" del aprendemos que das avoas e dos avós non podes rir, porque se non da raposa non podes fuxir.

Despois continuamos cun obradoiro moi especial no que fixemos unhas preciosas estrelas de Nadal que quedaron moi fermosas, claro está coa imprescindible purpurina que mellora todo.





1 comentario:

  1. Qué auténtico lujo es escuchar a Bea y Davis, muchísimas gracias por estos momentos mágicos!!! Valentina y Mariel.

    ResponderEliminar