sábado, 16 de marzo de 2013

Timoteo, o amigo do labrego

O venres a compañía Tanxarina Títeres presentou na biblioteca o seu espectáculo Timoteo, o amigo do labrego, unha adaptación de Cándido Pazó do conto de Terry Jones, relatado con animacións diversas e traballo actoral, nun divertido e permanente xogo escenográfico cheo de "gags" imaxinativos e situacións cómicas.

Así, tres tolos titiriteiros contáronnos historias que falan de cousas de agora mesmo, pero que manteñen todo o sabor dos contos tradicionais: Timoteo atopa un día un trasno que di ser seu amigo, e que precisa a súa axuda para ser liberado, polo que Timoteo terá que atopar un gran tesouro e lanzalo ao mar. Despois de mil pasar mil aventuras para cumprir co encargo, descubre que o trasno o enganara só para conseguir o tesouro. Finalmente, descobren que o mellor tesouro non é outro que ter un amigo fiel como Timoteo.

Desta forma pasamos unha estupenda tarde de venres, acompañados destes simpáticos personaxes que arrincaron en todos nós sorrisos e gargalladas, que nos invitaron tamén a cantar e acompañar a Timoteo nas súas aventuras, e que en definitiva nos engancharon con esta fermosa historia.

Podedes ver todas as fotos da actuación visitando como sempre o Álbum da Biblioteca.

1 comentario:

  1. Qué auténtica maravilla, cuanto disfrutamos, nos reimos niños y adultos, todos los detalles super cuidados, sonido, vestuario y un mensaje precioso, el gran valor de la amistad, muchas gracias!!! Valentina y Mariel.

    ResponderEliminar