sábado, 29 de diciembre de 2012

Contos Dakí. Avelino González


Na súa primeira visita á biblioteca Neira Vilas, Avelino González non defraudou ao numeroso público que acudiu a escoitar as súas historias, arrincando sorrisos e ben merecidos aplausos.

Como bo vigués, de San Andrés de Comesaña, comezou ofrecéndonos toda unha lección sobre a  propia cidade, e especialmente sobre a súa sociedade decimonónica, cunha deliciosa mestura de ficción e realidade.

Nunha terra como a nosa, tampouco faltaron as referencias ás lendas e a maxia, historias acaecidas no "tempo certo do había unha vez". Así coñecemos personaxes como Denís de Chantada e a Moura de Medeiros, e xunto a eles moitos outros seres máxicos que habitaron, ou habitan, lugares non moi lonxanos...

Avelino González visitará de novo a Neira Vilas o vindeiro venres 22 de marzo, pero para os que non poidades estar tanto tempo sen escoitar uns contiños ben contados como os seus, convidámosvos á vindeira sesión de Contos Dakí:

Contos Dakí
Póxima sesión: venres 25 de xaneiro de 2013
Conta: Celso Sanmartín

viernes, 28 de diciembre de 2012

A cesta dos libros

Agora que remtata o 2012, queremos agradecervos unha vez máis a todos os usuarios da Biblioteca Xosé Neira Vilas a vosa participación, os vosos comentarios de apoio, os bos momentos compartidos...

É por iso que tamén neste ano queremos premiar aos lectores máis activos de cada categoría (adulto e infantil) cun lote de libros para comezar o 2013 coas mellores lecturas. Agardamos que vos gusten!

Estes son os mellores lectores de 2012 na categoría de Adulto:

    Alba González Correa
    José María Freijo Mariño
    Fernando Iglesias Millos
    Ana María Álvarez Franco
    María del Carmen Rodríguez Seijo

E agora os mellores lectores na categoría Infantil:

    Breixo e Uxía Merino Gómez
    Valentina Longueira Pizzuto
    Ismael Osa Iglesias
    Michelle Bastos Beceiro
    Iria Comesaña Villar


De novo, moitas grazas a todos por estes fantásticos 12 meses, sen vós a biblioteca non sería o que é.

Feliz Aninovo a todos!

jueves, 27 de diciembre de 2012

Os c@ntos do Bardo Abelardo

O Bardo Abelardo, acompañado da súa inseparable concertina, visitou  na tarde do xoves unha vez máis a Biblioteca Neira Vilas grazas á colaboración co Servizo de Normalización Lingüística do Concello de Vigo.
Vicentiño e as árbores da paz, a vella que tiña un can que durmía baixo o colchón ou o ratiño Federico foron algúns dos personaxes que nos acompañaron nesta ocasión e que fixeron as delicicas de grandes e pequenos, sempre coas cantigas de Abelardo para poñer ritmoa unha tarde chea de fantásticas historias!

Tedes todas as fotos do contacontos no álbum da biblioteca.


viernes, 21 de diciembre de 2012

Conto Viaxeiro

Na tarde de onte o Servizo de Normalización Lingüística convidou aos amigos de Polo Correo do Vento á Biblioteca Neira Vilas para colaborar na creación dun fantástico Conto Viaxeiro.

Así, o autor Quique Mauricio e o ilustrador Carlos Taboada contáronnos primeiro o conto do galo Manolo, namorado da pita Agapita. Mentres Quique contaba a historia, Carlos foi facendo un debuxo que resumía a fermosa historia de amor entre os dous protagonistas. 

Rematado o relato, propuxeron aos nenos participantes que os axudaran a elaborar unha historia, con todos os ingredientes que esta precisa (protagonistas, lugares, argumento...). Esta historia irase completando ao longo das distintas sesións do Conto Viaxeiro que ser van realizar en diferentes centros de Vigo. Na súa visita a Zamáns, decidírase xa que os protagonistas do novo conto serían o poliño Xoel e a raposa Lola, pero faltaban todavía moitas decisións que tomar. Así que por votación, chegamos á conclusión de que Xoel e Lola serían amigos, e que terían un inimigo común, un bebé malo malísimo chamado Izan. Carlos foinos guiando para que cada un fixese un retrato desta personaxe, axudándonos a conferirlle a expresión malvada que requería. Definidos os progagonistas e deseñado o antagonista, serán agora os nenos doutros centros os que vaian continuando a historia. Como rematará??

Para sabelo podedes seguir todo o proceso de creación, cos debuxos elaborados polos distintos participantes, na páxina web www.contoviaxeirovigo.com ou seguir o perfil de facebook Polo correo do vento.

Por suposto, tamén podedes deleitarvos coas instantáneas da sesión da biblioteca no noso Álbum de fotos.

jueves, 20 de diciembre de 2012

Encontros con escritores. Ledicia Costas

Esta semana os alumnos de 5º de primaria do CEIP Lope de Vega que visitaron a Biblioteca dentro dos nosos Programas Escolares tiveron o pracer de ter un encontro coa escritora Ledicia Costas, grazas á colaboración coa Asociación Galega do Libro Infantil e Xuvenil, GALIX.

Tras coñecer o funcionamento da BPM Neira Vilas, Ledicia convidou aos rapaces a participar nun divertido obradoiro de escritura creativa baseado nos cadáveres exquisitos. Para quentar motores, cada un foise presentando ao resto, "trolas" polo medio incluídas, para despois, papel en man, ir plantexando unha serie de preguntas que o compañeiro tiña que contestar. Finalmente, Ledicia presentoulles as personaxes dunha historia, e entre todos foron axudándoa a caracterizalas: quen eran, onde vivían, a que se adicaban...

Resultou un encontro do máis interesante e enriquecedor, e non nos queda máis que agradecer a Ledicia e aos nenos do CEIP Lope de Vega a súa participación e entrega.
 
Podedes botar unha ollada ás fotos do encontro no Álbum da biblioteca.

 
Os libros de Ledicia Costas na Biblioteca Neira Vilas



martes, 18 de diciembre de 2012

Estoxo Intercultural. A nosa pegada. Impórtanos!

A Biblioteca Xosé Neira Vilas, en colaboración co Consello Municipal de Cooperación Internacional e Solidariedade do Concello de Vigo participou o pasado luns 17 na campaña de sensibilización A Nosa Pegada Impórtanos! coa elaboración dun novo Estoxo Viaxeiro: o Estoxo Intercultural, preparado entre ambas institucións.

Esta nova maleta traballa ao redor de tres ideas principais: a pegada cultural, a pegada socioeconómica e a pegada ecolóxica. Igual que no resto dos nosos estoxos, sobre cada unha destas liñas de traballo pódense atopar na maleta diferentes libros, películas, fichas informativas...

A presentación do estoxo estivo ademais amenizada cunha sesión de contacontos da man de Bea Campos e David González, que con historias como a de Xaime e as Landras, Pequeno Azul e Pequeno Amarelo ou O pito da Ableira, reflexionaron sobre a nosa pegada no mundo.

Podedes ver todas as imaxes da presentación do estoxo no Álbum da Biblioteca.

O Estoxo Intercultural está xa dispoñible para o préstamo na biblioteca, de forma que calquera persoa que o desexe o pode levar para a casa.

domingo, 16 de diciembre de 2012

Entre arrolos e contiños. Decembro 2012


O sábado 15 tivemos a sorte de poder deleitarnos coa última sesión de Entre arrolos e contiños deste 2012, no que pais e pequenos puideron gozar dun momento de pracer, espertando xa dende ben cedo o interese pola literatura e a tradición oral.


De novo os contos de Bea e a música de David foron os compañeiros ideais da xornada, dende as andanzas da familia do Gorila de Anthony Browne, ata as andanzas dun oso fabuloso chamado Chispas ao que non lle gustaba ir á escola ata que descubriu todo o que alí podemos aprender. Tampouco faltaron os arrolos e as cancións, como o grande éxito Todo o mundo vai!

Todas as fotos da xornada, como sempre, no Álbum da biblioteca


Entre arrolos e contiños
Próxima sesión: sábado 19 de xaneiro ás 12.00h
*Inscrición a partir do 2 de xaneiro


viernes, 14 de diciembre de 2012

A hora dos contos. Decembro 2012

Aproxímase o Nadal e como non podía ser doutra forma na Hora dos Contos deste mes de decembro achegámonos a fermosas historias acontecidas nestas datas.
A casa da mosca chosca, a historia de Carmela ou o conto da avoa e o homiño de mazapán foron algúns dos relatos protagonistas desta sesión, na que Trini nos ensinou tamén o valor dos agasallos que soemos recibir nestes días. Contounos así unha nova historia, a de Macelino, que un Nadal recibiu por regalo un anaco de trapo, ao que en principio non lle tivo ningún aprecio, pero que despois aprendeu a apreciar polas múltiples opcións de xogo que lle ofrecía, converténdose finalmente nun dos seus xoguetes preferidos. Ou tamén a historia dun edredón, que paracía non ter nada de particular pero que resultou ser máxico e un fantástico tecedor de historias! 

Para rematar, animamos a todos os participantes a que nos axudaran a completar un novo capítulo do noso Diario da Hora dos Contos, con debuxos sobre todas as historias da sesión.

Como sempre, podedes ver os resultados no Álbum da biblioteca

A hora dos contos
Próxima sesión: venres 4 de xaneiro ás 18.00h

domingo, 2 de diciembre de 2012

O sabadiño do Roque. De viaxe por Galicia: Combarro


Como cada mes, o sábado pasado Roque, Andrea e Óscar volveron para pasar con nós outro fantástico Sabadiño do Roque.

Comezamos como sempre con dous contos: a vaca que puxo un ovo, un vello coñecido dos nenos da biblioteca, e a historia da ra á que lle encantaba a chuvia e as charcas, e que grazas ao seu paraugas vermello é quen de salvar aos seus amigos o coello, a mofeta e o tigre.

Despois apareceu Roque cunha maleta ás costas, decidido a marchar de viaxe xunto co seu avó Agustín, pero sen lembrarse que para as vacacións aínda quedan unhas semanas... E falando do avó, de novo Roque recibiu unha carta, nesta ocasión enviada dende Combarro, un dos pobos mariñeiros con máis encanto de toda Galicia.

Para rematar, e a petición dos rapaces asistentes, xogamos de novo ao lobo, e tamén ao escondite inglés, para finalizar a xornada cantando como sempre os parabéns a todos aqueles que durante o último mes cumprisen anos.

O sabadiño do Roque
Próxima sesión: 5 de xaneiro ás12.00h



Contos Dakí. Paula Carballeira


O pasado venres a biblioteca tivo unha nova cita cos Contos Dakí, que nesta ocasión viñeron da man da escritora e actriz Paula Carballeira.





Despois de presentarse "advertiunos" de que, estando xa preto do inverno, cando as noites son longas e frías, ía contarnos contos de medo, historias desas que nos xean o sangue e que nos deixan terribles imaxes gravadas para sempre no maxín.

E así foi, contos de medo tradicionais galegos, pero tamén doutros lugares do mundo, que se ben nos deixaron en ocasións cravados no sitio, non estiveron tampouco faltos de humor e retranca, conseguindo arrincar as gargalladas do numeroso público que veu a gozar coas historias desta fenomenal contacontos.

Contos Dakí
Próxima sesión: venres 28 de decembro ás 19.30h
Conta: Avelino González

martes, 27 de noviembre de 2012

Entre arrolos e contiños. Novembro 2012


Este mes de novembro tivemos o pracer de gozar de novo da compaña de Bea e David en Entre arrolos e contiños.

Acompañáronnos con historias tan divertidas como a do rato Paco ou o Oso Chispa, co que ademais aprendimos hábitos tan saúdables e recomendables como lavar os dentes, bañarse, poñer o pixama...

Como sempre non faltou o acompañamento da música, cos fermosos acordes do acordeón, e rematamos a sesión coa simpática toupiña que quería saber quen lle fixera aquilo na cabeza!

Podedes ver todas as fotos da sesión no Álbum da biblioteca



Entre arrolos e contiños
Próxima sesión: sábado 15 de decembro ás 12.00h
*Inscrición a partir do 1 de decembro

lunes, 12 de noviembre de 2012

A hora dos contos. Novembro 2012

O xoves pasado tivemos o pracer de volver a pasar unha estupenda tarde de outono grazas a Trini e a súa Hora dos contos.

Como o Samaín quedaba moi cerquiña, aproveitamos para falar de todo tipo de monstros, que normalmente protagonizan historias de medo. Sen embargo, Trini decidiu darlle a volta a estes contos, e as personaxes que nos visitaron, lonxe de de asustar, resultaron ser moi divertidas e entrañables. Así, dragóns, bruxas, pantasmas con asma, monstros ou vampiros sen dentes como Súper Dentín fixeron as delicias de todos os nenos que participaron na sesión.

Ao remetar, como de costume, propuxémoslles axudarnos a completar o noso diario da Hora dos Contos, que encheron con fantásticos debuxos que podedes contemplar no Álbum de fotos da biblioteca



A hora dos contos
Próxima sesión: xoves 13 de decembro ás 18.00h

lunes, 5 de noviembre de 2012

O sabadiño do Roque. De viaxe por Galicia: Santiago

 Un mes máis tivemos unha nova cita co noso Sabadiño do Roque, que como sempre estivo cargado de historias, xogos e cancións.

Andrea comezou contándonos a historia do Poliño Pepe, con canción incluída, e a da simpática Ra da Boca Grande.

Despois chegou Roque, que recibiu unha nova carta do seu avó Agustín, que este mes estivo polas terras de Santiago. Así, visitamos con el a Catedral, as Praterías... e como no mes anterior a carta viña con agasallo incluído: unha estupenda gaita!


Entre todos debuxamos algúns dos nosos animais favoritos, e como sempre non podían faltar as felicitacións para os que estiveran de aniversario como despedida.

Podedes ver todas as fotos da sesión no Álbum da Biblioteca


O sabadiño do Roque

Próxima sesión: sábado 1 de decembro ás 12.00h
Inscrición: a partir do 15 de novembro

lunes, 29 de octubre de 2012

Contos Dakí. Celso Sanmartín

Que mellor broche para unha semana adicada á celebración do Día da Biblioteca que unha sesión de Contos Dakí con Celso Sanmartín

Así, o venres pasado o contador lalinense volveu a visitar a biblioteca para arrincar sorrisos e gargalladas a todos os que se achegaron a escoitar as súas historias, como sempre cargadas de humor, retranca e moita, moita sabedoría popular.


Contos Dakí
Próxima sesión: venres 30 de novembro ás  19.30h
Conta: Paula Carballeira

Contos do Medio



O mércores 24 e xoves 25, para continuar cos festexos do Día da Biblioteca, celebramos na BPM Neira Vilas, e grazas á colaboración do Servizo de Normalización Lingüística do Concello de Vigo, dous interesantísimos obradoiros: os Contos do Medio, cada día destinado a grupos de idade diferentes. Coa axuda de Marcelo, achegámonos á nosa natureza, e poidemos manipular e aprender a distinguir diferentes froitos secos, como as noces, as landras ou as castañas, tanto as propias e as das indias. Tamén poidemos apreciar as diferenzas entre un carballo e un castiñeiro, os olores de diversas prantas aromáticas, como a menta ou o tormentelo e mesmo aprender a saber a idade dunha árbore contando os aneis das súas pólas.

Para rematar, non podían faltar na biblioteca os contos. A través do libro As estacións, de Iela Mari acompañamos a unha árbore ao longo dun ano de vida, e con Xaime e as Landras, de Tim Bowley, aprendimos como con moita vontade e cunha soa landra podemos crear un bosque cheo de fermosos carballos.


Podedes deleitarvos con todas as fotos das dúas sesións no Álbum da biblioteca

jueves, 25 de octubre de 2012

Día da Biblioteca. Encontro con Francisco Castro


Como sabedes, o día de onte a BPM Xosé Neira Vilas celebrou o Día da Biblioteca. Para facelo tivemos o pracer de contar con Francisco Castro, editor, escritor e presidente de GALIX. Na compaña dos alumnos de 6º de Primaria do CEIP Lope de Vega, Francisco Castro reflexionou sobre o que significan para el os libros e as bibliotecas, e o que supón para el ser escritor, especialmente nestes momentos difíciles nos que nos toca vivir.

Foi un encontro interesantísmo, cun grande intercambio entre o autor e os rapaces nun enriquecedor exercicio de comunicación, que en definitiva, e en palabras do escritor, é a esencia da literatura.

Deixámosvos aquí algunhas das reflexións de Francisco Castro, que podedes atopar e ampliar no seu blog e que vos animamos encarecidamente a visitar.


"Quero reflexionar con eles sobre o pracer da literatura. Esta adicción marabillosa que nos leva a ler nos avións pero tamén nos cuartos de baño, na soidade do salón o día, rarísimo, en que nos deixan, ou no medio do parque coidando das crianzas. Pensar con eles sobre as bibliotecas e todo o que conteñen. En definitiva, darlles un anaco de min, do meu sentir, sabedor de que son moitos millóns de seres humanos os que compartimos esa experiencia gozosa e que nos comunicamos, así e sen nos coñecer, a través das palabras. E así entendereime eu a min mesmo e eles entenderanme un chisco máis. Porque eu non sería o mesmo sen os libros que me acompañan dende que teño uso de razón. Sería outro. Nin mellor nin peor. Outro. Non eu, dende logo".


"Eu son escritor, e vivo no mundo dos soños. Como a realidade non me chega, collo as palabras todas do dicionario, mestúroas procurando semánticas atrevidas e chamo polos personaxes, por todos eses que dalgunha maneira, os bos e os menos bos, son eu. Velaí outra sorte: exorcismo diario, fantasía permanente, loucura controlada a base de verbas de regalía. E síntome privilexiado por poder vivir o xogo, sempre infantil e liberador, da creación, que me pon en órbita, que me permite marchar do mundo, por exemplo canda Marco Polo a botar unhas parrafadas co Gran Kahn, ou con Simbad, os dous abeirados ás persas alfombras que mellor voen.
(...)
Eu son escritor. E ademais en lingua galega. Así que nos meus libros hai verbas coma recendo, achouchío, ledicia, amorodo ou señardade. E por iso vivo, tamén, no País da Beleza.
E dígome a diario: son escritor. Que marabilla".


Podedes botar unha ollada ás imaxes do encontro no Álbum da biblioteca


miércoles, 24 de octubre de 2012

Día da Biblioteca 2012



A BPM Xosé Neira Vilas súmase á celebración do Día da Biblioteca, que ten por obxectivo concienciar á nosa sociedade da importancia da lectura, especialmente nos nenos e mozos, e agradecer e potenciar o extraordinario labor da biblioteca nesta tarefa.

Presentámosvos o cartel deseñado para tal ocasión por Juan Ramón Alonso e o texto de José Mª Gutiérrez de la Torre, Presidente da Asociación Española de Amigos del Libro Infantil y Juvenil.

¡Venid, venid todos! Bebés y niños, chicos y chicas, jóvenes y adultos de todos los orígenes, de todas las edades y de toda condición. ¡Venid a la Biblioteca! Entrad en este inmenso y hermoso jardín, multicolor y polifónico, donde crecen las más hermosas flores de la cultura humana: todo lo que sabemos y todo lo que imaginamos los seres humanos, las crónicas y los sueños, las batallas y los carnavales, las fiestas y los duelos... todo está aquí recogido y bien clasificado en sus estanterías, accesibles para que vosotros disfrutéis del placer de la lectura.
Entrad con alegría pero con respeto. Recorred sus amplias avenidas con ricas arboledas, sus acogedores senderos bordeados de exuberantes rosaledas con las más hermosas rosas, deambulad por las pequeñas veredas que os llevarán a escondidos rincones donde crecen plantas raras pero de deliciosas flores. Os encontraréis allí con otras muchas personas amigas que, como vosotros, disfrutan de las bellas palabras, de las sugerentes
imágenes, de los evocadores sonidos.
Entrad y valorad el trabajo de estos jardineros esforzados, hombres y mujeres responsables de la Biblioteca: ellos riegan la sabiduría de lo sembrado en sus estantes, podan con cuidado las horas de silencio, remueven la tierra del pensamiento con recomendaciones y propuestas, abonan la imaginación con actividades inesperadas... y siempre, siempre, están ahí, bajo el sol abrasador y bajo la lluvia, esperando que las palabras florezcan, y que nosotros seamos portadores de las semillas que aventan cada día las páginas de los libros que atesora su biblioteca. Aprended de ellos el amor por los libros y montad en vuestra casa vuestra propia biblioteca: por muy pequeña y modesta que sea será vuestro jardín y os llenará de olores, de sugerencias, de ideas, de sensaciones, que os harán sentiros llenos de gratitud, cercanos a esas personas, escritores e ilustradores, que contaron bellas historias para vosotros, de creadores que os hablaron de su mundo, de todos los mundos, para que vosotros os atreváis a mirar todos los horizontes y, al hacerlo, también os atreváis a mirar dentro de vosotros mismos para buscar vuestros más íntimos sentimientos, vuestros valores más auténticos.
Venid hoy y venid todos los días que os sea posible a este hermoso jardín siempre florido, siempre acogedor, siempre pleno de sabiduría, de placer, de solidaridad, de respeto, de belleza...”

martes, 23 de octubre de 2012

Entre arrolos e contiños. Outubro

Entre arrolos e contiños gozamos un sábado máis dunha mañá chea de fermosas historias e divertidas cancións cos que grandes e cativos compartiron o pracer da música e a lectura.
Así, comezamos pola historia do pequeno Garavanciño, descubrimos o divertido que pode ser tomar un baño, seguimos a pista de maravillosos animais agochados nos contos e incluso aprendimos como fala cada un deles! Todo a ritmo de variados instrumentos musicais, como o acordeón, o saxo ou un globo-maraca que todos podemos facilmente construir na casa.

Tedes todas as fotos da sesión no Álbum da Biblioteca.

Próxima sesión: sábado 17 de novembro ás 12.00h

miércoles, 17 de octubre de 2012

A hora dos contos. Outubro

-->
O pasado xoves 11 iniciamos un novo ciclo de A hora dos contos, na que volvemos a contar con Trini Puentes, que presentou esta nova etapa ensinándonos os diferentes tipos de libros que hai: libros grandes, pequenos, minúsculos, máxicos, con sorpresas, sen palabras...

Como sempre contounos fermosas e divertidas historias , e animounos como de costume a usar a nosa imaxinación: así, entre todos inventamos un novo conto con personaxes dalgúns dos clásicos da literatura infantil. Sen embargo non houbo final, e foron os participantes os que tiveron que inventalo e plasmalo nun debuxo. Xuntamos todas as aportacións no noso Diario de Lecturas, que este ano iremos completando de forma colectiva, e animamos a todos os participantes a que para a próxima sesión traian as súas historias e debuxos para ir enchendo este fantástico caderno.

Tedes todas as fotos da sesión no Álbum da Biblioteca.

Próxima sesión: xoves 8 de novembro ás 18.00h


lunes, 8 de octubre de 2012

O Sabadiño do Roque. De viaxe por Galicia: Lugo

O pasado sábado Roque, Andrea e Óscar voltaron á biblioteca para amenizar a mañá aos máis pequenos da casa. 
Comezamos coma sempre con dous estupendos contos progagonizados por animais: un  lobo feroz e un pequeno crocodilo en busca da súa mamá.

Despois, tal e como anunciáramos o mes de setembro, descubrimos que Roque recibira na biblioteca unha carta do seu avó Agustín, na que lle contaba ao seu neto que agora que está xubilado vai adicarse a percorrer Galicia de cabo a rabo. Contounos que visitou recentemente en Lugo, e grazas á súa carta e ás fotos que enviou todos puidemos coñecer un pouquiño mellor esta fantástica cidade de murallas milenarias!

Para rematar, xogamos entre todos ao lobo e como sempre despedímonos felicitando a todos os que estiveran de aniversario, e nesta ocasión tocoulle ao propio Roque, que cumpriu un ano na biblioteca!



Todas as fotos da xornada están colgadas no álbum da bibioteca.


Próxima sesión: sábado 3 de novembro ás 12.00h
Inscrición a partir do 15 de outubro

miércoles, 19 de septiembre de 2012

Programa de actividades na biblioteca: outubro/decembro 2012

Presentámosvos a programación de actividades na Biblioteca Xosé Neira Vilas para o vindeiro trimestre, de outubro a decembro de 2012


Comeza o outono, e con el volvemos de novo á rutina, ao traballo, á escola... Para facervos esta volta máis levadeira, o outono na biliboteca ven cargadiño de actividades e novas propostas que agardamos sexan do voso interese.

Continuamos coa programación de actividades permanentes, como os Sabadiños do Roque, que este ano ven moi viaxeiro e a Hora dos Contos, que pasa para os xoves. Despois do éxito das sesións do curso pasado, volven tamén os Arrolos e contiños para os máis cativos e os Contos dakí para o público adulto.

Pero ademáis, organizaremos novas sesións de Achégate á internet e Achégate á internet: Procura de emprego, celebraremos do Día das Bibliotecas con Francisco Castro e aprenderemos todos os segredos da cerámica con Emilia Guimeráns. Todo isto acompañado das mostras Follas caídas e Xabarín 18.


Se con esta información conseguimos abrirvos o apetito, podedes consultar todo o programa con detalle no seguinte enlace:



Tamén podedes acceder á programación a través do menú "A programación do mes" ou na "Axenda de actividades" da biblioteca.

 

viernes, 14 de septiembre de 2012

Ampliación do servizo de préstamo. Revistas e videoxogos


Anunciámosvos que dende hoxe amplíase o servizo de préstamo ás revistas e videoxogos dispoñibles na biblioteca.


Publicacións periódicas (revistas)

No que se refire ás publicacións periódicas, estarán dispoñibles para o préstamo os números anteriores, mentres que o número vixente de cada título será só de consulta en sala.




Videoxogos

En canto aos videoxogos, cada usuario poderá levar só 1 exemplar en préstamo, dentro do máximo de tres documentos permitidos. Estarán dispoñibles todos os videoxogos das consolas Wii e Play Station, agás os sinalados cun punto vermello, que serán só de uso en sala.



Condicións do préstamo

Todos os materiais serán prestados por un prazo máximo de 15 días, sen posibilidade de ser renovados.

jueves, 13 de septiembre de 2012

O sabadiño do Roque. Os clásicos

O pasado sábado tivemos unha nova cita con Roque, Andrea e Óscar, que nos trouxeron desta vez unha boa enchenta de contos clásicos como os tres osiños, o Galo Quirico ou os tres porquiños , que fomos contando entre todos, pois son historias de sobra coñecidas, aínda que seguen gustándonos como o primeiro día!

Despois, xogamos todos a converternos nas casiñas dos tres porquiños, pero a cousa non quedou aí e, transformados en caixiñas máxicas, delas foron saíndo personaxes dos nosos contos preferidos: o lobo, un porco...

Non faltaron os xogos e as cancións, especialmente os "parabéns", para todos aqueles que estiveran de aniversario no último mes.


E para rematar, Roque adiantounos unha gran noticia: o seu avó, que é un grande aventureiro, anda de viaxe por Galicia e cada mes vai enviarlle unha carta contándolle os fantásticos lugares que visita, así que cada sabadiño do Roque poderemos ler as súas aventuras. Xunto a el viaxaremos por toda a xeografía galega, coa mochila cargada como sempre de contos, xogos e cantigas!

Lembrámosvos que a partir da agora para participar no Sabadiño do Roque é necesario inscribirse, e que podedes facelo a partir do día 15 de cada mes na propia biblioteca, no teléfono 986267759 ou a través do enderezo electrónico bpneiravilas@vigo.org

O sabadiño do Roque.
Próxima sesión: 6 de outubro

miércoles, 29 de agosto de 2012

Achégate á astronomía


 Durante todos os martes deste mes de agosto os nosos amigos David e Mónica, de Ceo Aberto, ofrecéronnos este obradoiro de coñecemento que achegounos aos misterios da astronomía e a astronáutica nos que participaron máis de 30 nenos e nenas en cada sesión.



En dúas das sesións coñecemos os requisitos precisos para ser astronauta e simulamos algunhas das probas que realizan, como as de equilibrio,  facendo un xogo na WII, de capacidade pulmonar, comprobamos a dificultade de manexar maquinaria coas luvas de astronauta e de pilotar unha nave cun auténtico simulador de voo. 







Ademais coñecemos moitos obxectos e materiais que empregamos a diario e que desenvolvéronse para os astronautas como por exemplo o velcro, o papel aluminio ou os cueiros actuais. 


 
Nas outras dúas sesións o espazo multimedia da biblioteca converteuse nun planetario; onde puidemos observar as estrelas e planetas que vense nas noites de verán dende Vigo e tamén noutras latitudes e estacións, coñecemos os seus nomes, a súa historia e mitos. Tamén vimos unha película en 360º onde vivimos a experiencia dun astronauta o saír dunha nave no espazo. 


Divertímonos moito e descubrimos todo o que temos que traballar para que un día un de nós sexa o primeiro en por un pé en Marte.

martes, 14 de agosto de 2012

O Sabadiño do Roque. Contos de papel

Este sábado Roque voltou unha vez máis á biblioteca para deleitarnos, xunto a Andrea e Óscar, coas súas historias e aventuras. 

Encantáronnos como sempre os contos de Andrea, especialmente a do homiño de papel, que encheu o seu corpo de cousas bonitas que viu polo mundo para poder contar aos nenos. Así, os nenos tamén fabricaron o seu propio monigote xigante coa súa propia silueta, e entre todos fóronos enchendo de fermosos debuxos e historias que contar.



A sesión rematou como sempre dándolle os parabéns a todos os que estiveron de aniversario, papás incluídos!

Só nos queda recordarvos que para a vindeira sesión o prazo de inscrición comeza o 17 de agosto, e que a próxima cita con Roque é o sábado 8 de setembro en lugar do día 1.

martes, 31 de julio de 2012

Agosto 2012. Un verán de experiencias

Comeza o mes de agosto e na biblioteca ofrecémosvos as novas actividades previstas para este mes.

Ao longo dos catro martes de agosto organizamos o taller para nenos Achégate á astronomía, no que aproximaremos aos rapaces ao fascinante mundo das estrelas e o universo, e no que aprenderemos todo o necesario para convertirnos en austronautas de primeira. Tal e como vos anunciamos no boletín do mes pasado, esta actividade requería inscrición e as prazas están xa cubertas!
O día 11 teremos un novo Sabadiño do Roque, coa novidade de que para esta sesión tamén será necesario inscribirse. Podedes facelo ata o venres 10 a través dos medios habituais.
Continuamos ofrecendo as nosas Guías de Lectura, cunha selección dos mellores libros para todas as idades para pasar un verán de fábula, e continúa a mostra A volta ao mundo en 80 guías, cunha selección do fondo bibliográfico do centro de interese “Viaxes”.
Aproveitamos a ocasión para anunciarvos que o día 15 de agosto comeza o prazo de inscrición para a vindeira edición de Achégate á internet, que se celebrará en setembro e que nesta ocasión consistirá nun monográfico adicado á busca de emprego. 
Podedes consultar a información detallada de todas as actividades no menú da dereita do blog, no apartado A programación do mes, ou no seguinte enlace: