lunes, 18 de julio de 2011

Os Sabadiños. Qué lío cósmico!

O pasado 16 de xullo tivo o lugar o último dos nosos Sabadiños da tempada, rematando o ciclo case onde o comezamos, no ceo, da man do conto de Montserrat Balada Qué lío cósmico!. Coñecimos así ao gran profesor Estelarius, que un día de chuvia descubre que o universo está patas arriba e non ten máis remedio que descubrir que está pasando. Todos os participantes convertéronse durante a historia en planetas, nubes, estrelas, pingueiras de chuvia, arcos da vella...  que durante un día deciden tomarse un descanso e organizar unha festa por todo o alto!

Rematada a historia, tocou poñerse mans á obra para realizar un novo mural, e nesta ocasión tocou animar o ceo da cidade con todo tipo de cousas: avións, paxaros, estrelas, planetas e mesmo superheroes e alieníxenas! Como non, todo o transcurso desta animada xornada podedes velo na sección "As nosas fotos!".

Despedímonos así dos Sabadiños ata o mes de setembro, no que retomaremos as actividades de animación á lectura para familias. Agardamos que gozásedes destas sesións coas que quixemos achegar aos máis pequenos o marabilloso mundo dos libros. Para nós, o equipo da Biblioteca Xosé Neira Vilas, foi un pracer compartir convosco estas historias semana tras semana. Moitas grazas.

1 comentario:

  1. El equipo de Carambuco Cuentos estamos encantadísimos de saludaros! Estelarius ya nos contó que se lo pasó en grande vititando vuestra biblioteca. ¡Un carambucoabrazo cósmico!

    ResponderEliminar