lunes, 6 de junio de 2011

Os Sabadiños. A que sabe a lúa?

O pasado sábado celebramos na Biblioteca Xosé Neira Vilas o primeiro dos nosos Sabadiños, que terán lugar cada semana ás 12.00 horas ata mediados do mes de xullo.
Nesta ocasión, o noso compañeiro Anxo amenizou a velada co conto A que sabe a lúa?, un clásico da literatura infantil  que fixo as delicias de grandes e pequenos. Un a un, distintos animais do bosque deciden colaborar xuntos para conseguir un único obxectivo: probar a que sabe a lúa. Tamén os partipantes nesta xornada de animación á lectura puideron saboreala, xa que ao final do conto agardábaos unha formidable sorpresa: un cofre máxico tiña no seu interior anaquiños de lúa que todos puideron probar.


Para rematar a actividade, cada un dos nenos participantes puido elaborar un monicreque do seu animal preferido con materiais tan sinxelos como calcetíns, teas ou las.

Podedes ver todas as fotos desta divertida mañá de sábado no apartado "As nosas fotos".


Próxima sesión: sábado 11 de xuño
Conto: Mamá gansa e as vogais



1 comentario:

  1. quién te ha visto y quién te ve....estás fantástico...! Hay que ver qué gusto dan las cosas bien hechas.

    ResponderEliminar