miércoles, 13 de febrero de 2019

Apocalipse Zombi



O día 4 de febreiro celébrase o Día Do Orgullo Zombi e dende a biblioteca queremos sumarnos ás celebracións que se realizan ao redor do planeta.

Esta celebración coincide co aniversario do director de cine norteamericano George Andrew Romero. Romero é considerado o pai deste xénero cinematográfico, cheo de vísceras e sangue, ao  estrear no 1968 “La noche de los muertos vivientes”, unha das primeiras películas desta temática.


 Na biblioteca podes atopar algunhas películas deste subxénero para poder ver no sofá da casa nestes días de inverno ben protexido cunha manta:


Rec. Nesta película de Jaume Balagueró &Paco Plaza a acción ten lugar dentro dun edificio de apartamentos de Barcelona onde unha infección transforma  aos residentes e aos equipos de rescate en atacantes violentos.

Resident Evil. Película protagonizada por Milla Jovovich baseada no videoxogo co mesmo nome que conta as peripecias dun grupo de persoas que deben sobrevivir e atopar o xeito de escapar ao tempo que loitan con zombies e monstros.


 







E se queredes pasar a tardiña en familia e sodes amantes dos zombies non hai problema tamén hai títulos aptos para todos os públicos.

Dixie y la rebelión zombi 


 

Non podemos deixar escapar esta gran oportunidade para falar doutros grandes títulos, que polo momento non temos na biblioteca, pero que todo amante dos zombies debe coñecer:

Orgullo y prejuicio y zombies, (xa co título podemos facernos unha idea da magnitude do filme). Esta película, que tomaba como punto de partida a novela de Jane Austen, xira en torno á plaga de zombis que se apodera de gran parte de Inglatera. 




Sky Sharks, basicamente esta película ten todos os elementos que nos dan medo: tiburóns asasinos, que ademáis poden voar, polo que non estamos a salvo en nigures. Ademáis de ser sanguinarios de por si debido a súa natureza, súmase o feito de que son zombies polo que teñen moita máis fame de sangue. E e si todo isto fora pouco, súmase o feito de que estes seres foron creados polos Nazis durante a Segunda Guerra Mundial... 



As series están vivindo un gran momento, fanse ao xeito das grandes producións de cine polo que contan con grandes orzamentos e grandes profesionais. Nestes momentos de éxitos podemos atoparnos con diferentes visións do mundo zombie. Dende a comedia con iZombie,a o manga " Yaoi" a serie High School of the Dead ou as terroríficas "The Walking Dead" e os seus spin off.

Na biblioteca podedes atopar algunhas series con non mortos como "Grimm", ou "Juego de Trono" (aquí abrése o debate: os camiñantes brancos son ou non zombies?. )

 Os camiñantes brancos son ou non zombies?



A literatura tamén conta coa presenza destes seres entre as súas páxinas. 

Títulos como "Guerra Mundial Z" de Max Brooks ( si o apelido vos soa... efectivamente!, e o fillo de Mel  e de Anne Bancroft), "Los caminantes" de Carlos Sisí ou El alzamiento de Brian Keene encabezan todas as listas das mellores novelas de zombies. 

Outras veces tamén atacan na LIX así temos algúns títulos como "Macarrones de Zombies" de Joan Antoni Martín Piñol, "Los zombies atléticos" da colección de Batpat ou na saga escrita por Derek Landy  "Skulduggery Pleasant, detective esqueleto".





 Nin sequera o mundo da música está a salvo deste apocalipse, son moitos os non mortos que percorren o pentagrama musical transformandoo case nun pentagrama maligno. Dende The Cranberries ata a BSO da película Zoombie da factoria Disney. Pero se temos que escoller unha quedamonos co Rey do Pop e o seu gran vídeo musical  THRILLER




Ata o mundo da moda se ve tamén influenciado por esta temática...

Na Semana da Moda en Londres do 2013

O modelo Zombie Boy



No mes no que a nosa mostra bibliográfica é a Apocalipse Zombi non podíamos esquecernos da triloxía Apocalipsis Z de Manel Loureiro, na que a cidade de Vigo posúe os últimos” Puntos Seguros” da humanidade.

Ademais da obra relacionada co mundo Zombi tamén podedes coñecer os outros universos literarios do autor e levalos a casa como préstamo





No podía hablar en serio. Aquel tipo me pedía que desembarcase en una ciudad infestada de miles de No Muertos, que la atravesase como quien va a comprar una barra de pan, que entrase en la oficina de Correos y que volviese a bordo con su puñetero paquete como si fuese un cartero”.
                                                        Apocalipsis Z



Podedes atopar outros Puntos Seguros para sobrevivir ao apocalipse zombi no noso Mapa Literario de Vigo



viernes, 11 de enero de 2019

DÍA DO USUARIO DAS BIBLIOTECAS


Hoxe queremos agradecervos a todas as persoas usuarias que formedes parte deste marabilloso proxecto, sen vós a biblioteca non tería razón de ser. Moitas grazas por estar sempre aí, xunto a nós! 😍


E como cada ano por estas datas, premiamos tamén ós mellores lectores e lectoras do 2018 para que entren neste novo ano mergullándose nas mellores lecturas.🏆

Na categoría de adultos están de noraboa Arantzazu Fernández Martínez, Luisa Fernández Lago e Agustina del Rosario Vázquez Varela.

E na categoría infantil damos os nosos parabéns a Ángel Pérez Rodríguez, Mario Ruiz Juncal e Teo Alonso Torres.

Bravo por tod@s 👏👏👏

miércoles, 2 de enero de 2019

AUTOR DO MES: FORGES




Antonio Fraguas de Pablo, máis coñecido como Forges (Madrid, 17 de xaneiro de 1942- Madrid, 22 de febreiro de 2018), foi un humorista gráfico español de gran recoñecemento. De pai galego, o escritor e xornalista Antonio Fraguas Saavedra, e nai catalá, María Ascensión de Pablo López. Sempre recoñeceu que foi un mal estudante pero un gran lector.

Como humorista utilizaba uns bocadillos moi persoais de grosa liña negra e un estilizado linguaxe extraída directamente da rúa sendo un dos poucos humoristas cun oído sensible á linguaxe popular. Na súa obra ocupa un lugar fundamental o costumismo e a crítica social.

Forges creou toda unha extensa iconografía de personaxes e situacións cómicas que reflicte a idiosincrasia e a socioloxía da España contemporánea. 










jueves, 20 de diciembre de 2018

FELICES FESTAS


🎄🎄Con esta fermosa postal de nadal feita por Abi Castillo a Biblioteca quérevos desexar a tod@s unhas felices festas e os nosos mellores desexos para o ano 2019.

viernes, 7 de diciembre de 2018

A BIBLIOTECA PÚBLICA MUNICIPAL XOSÉ NEIRA VILAS GAÑA O PREMIO DO IX CONGRESO NACIONAL DE BIBLIOTECAS PÚBLICAS


A Biblioteca Pública Xosé Neira Vilas ven de recibir o premio ao mellor vídeo do IX Congreso Nacional de Bibliotecas Públicas pola peza “Reflexións”, na categoría de concellos de máis de 100.000 habitantes.

O IX Congreso Nacional de Bibliotecas Públicas, que ven de celebrarse en Logroño entre o 28 e o 30 de novembro, convocou un concurso en colaboración con SEDIC (Sociedad Española de Documentación e Información Científica) para premiar ao mellor vídeo relacionado coa temática do congreso, que este ano tiña como lema “Bibliotecas públicas: profesionales para todos los públicos” e no que se puxo o acento “na reflexión sobre as persoas que traballan e as que participan nas bibliotecas: a preparación necesaria dos bibliotecarios; os modelos e fórmulas para xestionar con eficacia e éxito os equipos de a bibliotecas, e as súas formas de conectar da mellor maneira coa comunidade, e en particular con colectivos especiais e específicos”.

A peza presentada pola biblioteca leva por título “Reflexións” e foi dirixida por Fon Cortizo. Para a gravación contou coa participación dos propios usuarios da biblioteca, que se prestaron a compartir as súas experiencias e reflexións sobre o papel da biblioteca nas súas vidas.

Cada biblitoeca podía participar cun único vídeo, que debía ser inédito e ter unha duración máxima de 3 minutos, dentro das seguintes categorías: bibliotecas en poboacións de menos de 5.000 habitantes, bibliotecas en poboacións entre 5.000 e 100.000 habitantes e bibliotecas en poboacións de máis de 100.000 habitantes, na que participou a BPM Xosé Neira Vilas.

O premio foi otorgado pola votación dos asistentes ao congreso, tendo en conta como criterios a orixinalidade, a pertinencia e a dificultade técnica.





sábado, 1 de diciembre de 2018

AUTOR DO MES: EDUARDO GALEANO


Eduardo Galeano (1940 - 20015) foi un escritor e xornalista urugaio considerado  un dos máximos expoñentes da literatura latinoamericana. Na súa obra, que trascende os xéneros ortodoxos e na que se mesturan narrativa e ensaio, poesía ou crónica, reivindícase a identidade cultural dos pobos e déixase ver o seu fervente compromiso a favor das causas xustas.

Entre os numerosos galardóns que recibiu, en 2010 concedéronlle o prestixioso Premio Stig Dagerman (Suecia) por “estar sempre e de forma inquebrantable do lado dos condenados” e valerse da poesía, a prosa e o xornalismo “para escoitar e transmitir as súas testemuñas.”

miércoles, 28 de noviembre de 2018

PROGRAMACIÓN DECEMBRO 2018

MOSTRA BIBLIOGRÁFICA: Día dos Dereitos Humanos


O Día dos Dereitos Humanos celébrase cada 10 de decembro coincidindo coa data na que a Asemblea Xeral das Nacións Unidas adoptou a Declaración Universal de Dereitos Humanos, en 1948.
Para celebrar o seu 70 aniversario unímonos á ONU no seu propósito de destacar a transcendencia deste documento histórico, que proclamou os dereitos inalienables inherentes a todos os seres humanos, sen importar a súa raza, cor, relixión, sexo, idioma, opinións políticas ou doutra índole, orixe nacional ou social, propiedades, lugar de nacemento nin ningunha outra condición, e cuxa esencia recolle tamén o Manifesto IFLA/UNESCO sobre a Biblioteca Pública.
Presentámosvos así unha escolma de obras que reflexionan sobre ditos dereitos ou denuncian a violación dos mesmos dende perspectivas e xéneros moi diferentes.
Do 1 ao 31 de decembro
Horario de apertura da biblioteca
Para: Público xeral, todas aquelas persoas que se acheguen á biblioteca.

RECOMENDACIÓN DO MES: Eduardo Galeano

Mostra bibliográfica

Entre os moitos autores/as que traballaron na defensa dos Dereitos Humanos, destacamos nesta ocasión a figura de Eduardo Galeano (1940-2015), escritor e xornalista urugaio considerado un dos máximos expoñentes da literatura latinoamericana.
Na súa obra, que trascende os xéneros ortodoxos e na que se mesturan narrativa e ensaio, poesía ou crónica, reivindícase a identidade cultural dos pobos e déixase ver o seu fervente compromiso a favor das causas xustas.
Entre os numerosos galardóns que recibiu, en 2010 concedéronlle o prestixioso Premio Stig Dagerman (Suecia) por “estar sempre e de forma inquebrantable do lado dos condenados” e valerse da poesía, a prosa e o xornalismo “para escoitar e transmitir as súas testemuñas.”
Do 1 ao 31 de decembro
Horario de apertura da biblioteca
Para: Público xeral, todas aquelas persoas que se acheguen á biblioteca.

A HORA DOS CONTOS: Trini Puentes.  

A hora dos contos é un proxecto de animación á lectura no que nos visitan diferentes artistas coas súas maletas cargadas de historias, co fin de fomentar entre o público máis pequeno o gusto polos
libros e a lectura. Este mes de decembro visítanos Trini Puentes
Venres, 7 de decembro ás 18.00h
Para: público infantil dende 3 anos.
Aforo limitado  

CLUB DE LECTURA: De outubro a xuño  

O club de lectura é un grupo de persoas afeccionadas á lectura que se reúne dúas veces ao mes na biblioteca para comentar e valorar un libro proporcionado pola propia biblioteca coa axuda da coordinadora Marila Ruíz. O club está concibido para todas aquelas persoas con inquedanzas culturais, ganas de ler e de intercambiar ideas e opinións.
Xoves, 13 e 20 de decembro ás 19.00 h
Para: Público socio do club.

ENTRE ARROLOS E CONTIÑOS

PREVIA INSCRICIÓN* 1 DE DECEMBRO ÁS 10.30H ABRE O PRAZO DE INSCRICIÓN
Un venres ao mes grazas a Migallas Teatro os bebés comparten coa familia un momento de pracer, lonxe do ruído e os quefaceres cotiáns, espertando xa nos seus primeiros anos de vida un interese pola literatura e a tradición oral a través de contos, cancións e pequenos xogos.
Venres, 14 de decembro ás 18.00h
Para: Público infantil de 12 meses a 3 anos.

CONTOS DAKÍ: Soledad Felloza

Contos Dakí é un ciclo no que nos visitan algúns dos contadores e contadoras de máis renome do
panorama galego e internacional para deleitarnos cos seus contos rescatados da tradición oral, pero tamén da cotianidade que nos rodea. Son historias cheas de humor e retranca que de seguro non han deixar indiferentes a todas aquelas persoas que teñan o pracer de escoitalas. Nesta ocasión visítanos a contadora Soledad Felloza.
Venres, 21 de decembro ás 19.30 h
Para: Público adulto.
Aforo limitado  


MOSTRA BIBLIOGRÁFICA: Tempo de Nadal

Durante as festas de Nadal na Biblioteca Neira Vilas ofrecémosvos unha mostra na que atopar moitas ideas para decorar a casa, preparar novas receitas nas celebracións, facer agasallos ou gozar con diferentes historias para celebrar estas datas.
Do 22 de decembro ao 5 de xaneiro
Horario de apertura da biblioteca
Para: Público xeral, todas aquelas persoas que se acheguen á biblioteca.

BUZÓN REAL

O Buzón Real estará na biblioteca para que todo o mundo poida deixar as súas cartas aos Reis Magos e contarlles como se portaron durante todo o ano.
Do 22 de decembro ao 5 de xaneiro
Horario de apertura da biblioteca
Público xeral, todas aquelas persoas que se acheguen á biblioteca.

OBRADOIRO DE NADAL: Contos en construción

PREVIA INSCRICIÓN* 4 DE DECEMBRO ÁS 10.30H ABRE O PRAZO DE INSCRICIÓN
Con motivo das festas do Nadal a Biblioteca Xosé Neira Vilas organiza o obradoiro “Contos en
construción”, baseado nos contos clásicos e contemporáneos e no que nos achegaremos tamén a diferentes conceptos da arquitectutra e a sustentabilidade. Durante a sesión primeiramente contaremos e reflexionaremos sobre o conto escollido para despois interpretar un fragmento do mesmo materializándoo coa consturción dunha maqueta colectiva. Así, os/as participantes percibirán a importancia dos materiais e aprenderán as súas calidades, fomentándose o traballo cooperativo e o respecto á nosa contorna.
Xoves, 27 de decembro
Horario de 11.00h a 12.00h
15 prazas
Para: Público infantil a partir de 5 anos.

VISITA DO PAXE REAL

O Carteiro Real visita a biblioteca para recoller todas as cartas e desexos do público infantil.
Xoves, 27 de decembro ás 12.30 h
Para: Público infantil.